Bu gün Qəbələ-Xankəndi ultramarafonu başlayıb.
Shimal.News məlumat verir ki, startdan əvvəl Qəbələ RİH başçısının müavini Ətayə Osmanova tədbirin əhəmiyyətindən danışıb, Qəbələnin 2025-ci ilin "İdman paytaxtı" seçilməsinin qürurverici olduğunu vurğulayıb.
Yarış iştirakçıları marşrutun 3-cü günündə Bərdədən Ağdamadək 44 km məsafə qət edəcəklər. Bu rəqəm Vətən müharibəsində qazanılan zəfərlə əlaqədar rəmzi məna daşıyır. Ultramarafona 81 atlet qatılıb. Onların 23-ü qadın, qalanları kişi idmançılardır. Onların sırasında Türkiyə, Ukrayna, Rusiya, Moldova və Gürcüstan atletləri də var.
Marafonun 192 km məsafə qət edildikdən sonra, Xankəndidə finişi olacaq. İştirakçıları Qəbələ - Ağdaş (55 km), Ağdaş - Bərdə (65 km), Bərdə - Ağdam (44 km), Ağdam - Xankəndi (28 km) mərhələləri üzrə yarışacaqlar. Hər mərhələnin qalibləri ayrıca təltif ediləcək, ümumi qalibləri isə baş mükafata layiq görüləcəklər.
