Şahmatçı, Qəbələ 1 saylı mediasiya təşkilatının rəhbəri Ədalət Əliyevin tələbələri şahmat üzrə dünya çempionatının qalibi olublar.
Qht.az-ın məlumatına görə, şahmat üzrə 21-ci Beynəlxalq Həlletmə Yarışı (21-st İnternational Contest) başa çatıb və Beynəlxalq Hakimlər Heyətinin qərarı açıqlanıb.
Dünya üzrə 185 şahmatçının iştirak etdiyi yarışda ölkəmizi təmsil edən Qəbələ Rayon Uşaq-Gənclər İdman-Şahmat məktəbinin məşqçi-müəllimi Araz Alməmmədov 60-an 53,5 xal toplayaraq I yeri, məktəbin digər yetirməsi Samir Alməmmədov isə 39,75 xalla III yeri qazanıb.
Bununla Dünya üzrə 3 qalib yerdən ikisini Azərbaycanı təmsil edən Qəbələ şahmatçıları əldə edib. Qalibləri və şahmatsevərləri təbrik edirik.
Xatırladırıq ki, Ədalət Əliyev həmçinin Qəbələ Rayon Uşaq-Gənclər İdman-Şahmat məktəbinin də direktoru kimi onlarla şahmatçının yetişdirilməsində böyük rol oynayıb.
