"Qəbələ" İdman Klubunun MMA döyüşçüsü Cəfərsadiq Mirzəyev beynəlxalq yarışda uğurlu çıxış edib.
Shimal.News xəbər verir ki, o, IMMAF dünya çempionatında bürünc medal qazanıb.
İdmançımız 16-17 yaşlı yeniyetmələr arasında yarışda 61 kq çəki dərəcəsində fərqlənib. Abu-Dabidə keçirilən turnirdə təmsilçimiz fəxri kürsünün üçüncü pilləsində yer alıb.
Qeyd edək ki, dünya çempionatında 60 ölkədən 1050 döyüşçü mübarizə aparıb.
