5 Mart – Bədən Tərbiyəsi və İdman Gününə həsr olunan 2012-2013 və 2014-cü il təvəllüdlü yeniyetmələr arasında minifutbol idman növü üzrə Şabran rayon birinciliyi keçirilib.
Shimal.News xəbər verir ki, yarışda 6 komanda olmaqla ümumilikdə 60 nəfər yeniyetmə idmançı iştirak edib.
Gərgin idman mübarizəsi şəraitində keçən yarışın finalında "Bərəkət" komandası "Zəfər" komandasına 4:2 hesabı ilə qalib gələrək minifutbol üzrə Şabran rayon birinciliyinin qalibi olub.
Sonda I, II və III yeri qazanan komandalar Quba-Xaçmaz Regional Gənclər və İdman İdarəsi tərəfindən müvafiq dərəcəli diplom və medallarla təltif olunublar.
