Azərbaycanın I Liqa təmsilçisi Şimal pley-off matçında II Liqanı ikinci pillədə başa vuran Qaradağ Lökbatan ilə üz-üzə gəlib.
Shimal.News xəbər verir ki, oyundan sonra Xaçmaz təmsilçisinin baş məşqçisi Mehman Səfərov qarşılaşmanı şərh edib. O bildirib ki, matç gözlənildiyi kimi gərgin keçib:
"Bilirdik ki, rəqib güclü komandadır. Qol buraxdıq, daha sonra toparlanıb geri dönüş etdik. "Şimal"ın növbəti mövsümdə daha güclü olacağına ümid edirik".
Baş məşqçi həmçinin komandanın gələcək planlarına da toxunub. Onun sözlərinə görə, rəhbərlik tərəfindən növbəti mövsümdə oyunların Xaçmaz Olimpiya Kompleksinin stadionunda keçirilməsi ilə bağlı söz verilib:
"Biz də istəyirik ki, təmsil etdiyimiz regionda mübarizə aparaq".
Qeyd edək ki, Şimal növbəti mövsümdə də I Liqada çıxışını davam etdirəcək.
