Gəncə şəhərində keçirilən böyük müsabiqədə Xudat Rəqs Qrupu möhtəşəm çıxışı ilə hər kəsi heyran qoyaraq böyük qələbə qazanıb.
Shimal.News-un məlumatına görə, kollektiv "Kəpəz Rəqs Kuboku – Gəncə 2026" müsabiqəsində Ləzginka rəqsi üzrə 1-ci yerə layiq görülüb. Səhnədə nümayiş etdirilən enerjili, peşəkar və duyğulu çıxış münsiflər heyəti ilə yanaşı, tamaşaçıların da sürəkli alqışları ilə qarşılanıb.
Azərbaycanın müxtəlif bölgələrindən gələn rəqs kollektivlərinin iştirak etdiyi tədbirdə Xudat komandası milli ruhu, cəsarəti və vəhdəti özündə əks etdirən performansları ilə seçilib. Bu uğur təkcə bir qələbə deyil, həm də Şimalın mədəniyyət və istedad potensialının növbəti parlaq sübutu olub.
Qazanılan qızıl mükafat kollektiv üzvləri, müəllimlər və onlara dəstək olan hər kəs üçün böyük qürur və sevinc mənbəyinə çevrilib.
