Cari mövsümdə Azərbaycan futbol Premyer Liqasında çıxış edəcək 4 klub – “Turan Tovuz”, “Kəpəz”, “Karvan” və “İmişli”nin ev oyunlarını hansı stadionda keçirəcəyi bəlli olub.
İdmanxeber.az-ın məlumatına görə, Yevlax və Tovuz şəhər stadionlarında təmir işləri aparıldığı üçün bu şəhərləri təmsil edəcək “Karvan” ev oyunlarını Şamaxıda, “Turan Tovuz” isə “Azersun Arena”da keçirəcək.
Bunlarla yanaşı, Gəncə şəhər stadionunun açılışı da Premyer Liqanın startına yetişməyəcək. Bu səbəbdən də “Kəpəz” ev matçlarını Qəbələdə oynayacaq.
Daha bir stadionsuz Premyer Liqa klubu “İmişli” isə Qubaya “köçür”. Bölgə klubu İmişlidəki stadionun problemini həll edənə qədər rəqiblərini Qubada qəbul edəcək.
