İkinci liqanı dördüncü yerdə başa vurub, “pley-off” oyununda “Difai”yə məğlub olaraq gələn mövsüm yenidən 2-ci liqada mübarizə aparacaq “Hypers Guba” klubu adını dəyişib. Bundan sonra klub “Quba” FK adlandırılacaq.
Bunun səbəbini, ideyanın kimə məxsus olduğunu öyrənmək üçün “football-plus.аz” klubun prezidenti Ayaz Abdullayevlə əlaqə saxlayıb:
“Klubun adının dəyişdirilməsi Qubanı daha rəsmi və peşəkar səviyyədə təmsil etmək məqsədi daşıyır. Bu ideya mənə məxsusdur və azarkeşlər, icma nümayəndələri ilə aparılan müzakirələrdən sonra yekdil qərarla reallaşıb”.
Qeyd edək ki, klubun adı ikinci dəfədir dəyişdirilir, ilk adı isə “Hypers” olub.
“Ötən mövsüm klubun adı dəyişdirilməyib. Sadəcə Region liqasında “Hypers” olaraq təqdim edilirdi. Rəsmi sənədlərdə “Hypers Guba” olub", - deyə A.Abdullayev bildirib.
