Şimal bölgəsində həftənin idman afişası açıqlanıb.
Shimal.News xəbər verir ki, iyunun 22-dək müxtəlif idman növləri üzrə yarışlar təşkil olunacaq.
Quba-Xaçmaz Regional Gənclər və İdman İdarəsi
- "İdman hamı üçün" layihəsi çərçivəsində voleybol üzrə kütləvi idman tədbiri - 19 iyun, saat 10:00 (Siyəzən şəhər 3 nömrəli tam orta məktəbin idman zalı);
- QXRGİİ-nin nəzdində fəaliyyət göstərən Şabran UGİM-in futbol bölməsinin qrupları arasında yoldaşlıq oyunları - 19 iyun, saat 15:00 (Şabran şəhər Mərkəzi Stadionu);
- "İdman hamı üçün" layihəsi çərçivəsində MMA və qrapplinq idman növləri üzrə kütləvi tədbir - 20 iyun, saat 18:00 (Xaçmaz rayonu, Xudat şəhəri, Nizami parkı);
- Silahlı Qüvvələr Gününə həsr olunmuş məktəbli oğlanlar arasında voleybol üzrə rayon birinciliyi - 21 iyun, saat 10:00 (Qusar Olimpiya İdman Kompleksi).
Dağlıq Şirvan Regional Gənclər və İdman İdarəsi
- Şəhidlərin əziz xatirəsinə həsr edilmiş həvəskarlar arasında futbol üzrə İsmayıllı rayon turnirinin yarımfinal və final mərhələsi – 18 iyunadək, saat 17:30 (İsmayıllı rayon, Aşağıbaş və Hacıhətəmli stadionu);
- "İdman hamı üçün" layihəsi çərçivəsində əməkdar məşqçi Şəmsi Səfərlinin rəhbərliyi altında ağırlıqqaldırma üzrə ustad dərsi – 18 iyun, saat 15:00 (Qobustan UGİM-nin idman zalı);
- "İdman hamı üçün" layihəsi çərçivəsində Azərbaycan çempionu Qadir Talıbovun rəhbərliyi altında muaytay üzrə ustad dərsi – 20 iyun, saat 16:00 (Şamaxı rayon, Muaytay idman zalı);
- Silahlı Qüvvələri Günü münasibətilə cüdo üzrə yeniyetmələr arasında Qobustan rayon turniri – 21 iyun, saat 14:00 (Qobustan UGİM-nin idman zalı).
Şəki-Zaqatala Regional Gənclər və İdman İdarəsi
- Yeniyetmələr arasında şahmat üzrə rayon turniri - 17-21 iyun, saat 10:00 (Balakən rayon Uşaq-Gənclər İdman-Şahmat Məktəbi);
- "Qəbələ İdman Paytaxtı - 2025" çərçivəsində yeniyetmələr arasında kəndirdartma üzrə rayon turniri - 18 iyun, saat 10:00 (Qəbələ rayon Zarağan kənd 1 saylı tam orta məktəb);
- Yeniyetmələr arasında pnevmatik tüfəngdən hədəfə atəş açmaq üzrə rayon birinciliyi - 18 iyun, saat 15:00 (Qax şəhər stadionu);
- Yeniyetmə və gənclər arasında atletika üzrə rayon birinciliyi - 21 iyun, saat 15:00 (Oğuz rayon Mərkəzi stadionu).
