Qubada futbol idman növünün görkəmli nümayəndəsi, beynəlxalq dərəcəli hakim Eldar Əzimzadənin 90 illiyi ərəfəsində xatirəsi anılıb. Bu barədə ShimalNews 30 may tarixində məlumat verir.
Tədbir AFFA-nın və Quba-Xaçmaz Regional Gənclər və İdman İdarəsinin dəstəyi ilə təşkil olunub. Oyunda "Neftçi"nin veteranları - Asif Əliyev, Hüseyn Məhəmmədov, Alim Qurbanov, İlqar Hüseynov, Novruz Əzimov, Maşallah Əhmədov, Kənan Kərimov, Rüstəm Rəhimov, Oktay Abdullayev, Şahin Cəfərov, Rafiq Quliyev iştirak etdilər. Qubadan isə Malik Ağayev, Rəhim Ağayev, İlqar Şahmərdanov, Emin Əmiraslanov, Tural Cəlilov, Telman Dadaşov, Kamil Əsgərov, Bəhram Şahquliyev və Kamran Əlibabayev "Neftçi"yə qarşı oynadılar. Hesab heç-heçə - 8:8 oldu.
Eyni zamanda "Şimal" FK-nın Region Liqasında kuboku qazanması və Avropada ölkəmizi təmsil edəcəyi ilə bağlı da tədbir baş tutdu.
Quba-Xaçmaz Regional Gənclər və İdman İdarəsi tərəfindən qonaqlar, "Şimal"ın oyunçuları və stadionun sahibi Gülağa Əliyev hədiyyələrlə təltif edildi. AFFA-dan isə diplomlar və şərflər təqdim edildi.
