Cüdo üzrə U-14 yeniyetmələr arasında Liqa yarışının II turu başa çatıb .
Shimal.News xəbər verir ki, Fövqəladə Hallar Nazirliyinin İdman Sağlamlıq Mərkəzində keçirilən turnirdə ümumilikdə 18 çəki dərəcəsində qalib və mükafatçılar müəyyənləşib.
2 gün davam edən yarışda 92 klub və idman cəmiyyətindən olan 466 idmançı (383 oğlan, 83 qız) iştirak edib.
Şimaldam olan idmançılar David Səmədov (60 kq, Balakən OİK), Hüseyn Ələsgərov (60 kq, Qəbələ İK şəhər), Tofiq Cumayev (+73 kq, Zaqatala UGİM) qaliblər kürsüsünə yüksəliblər.
Cari ildə U-14 Liqa yarışının 4 turunun keçirilməsi planlaşdırılır. Bu yarışlar nəticəsində idmançıların reytinq siyahısı formalaşacaq.
