Bugünkü oyun bir qədər fərqli oldu.
Shimal.News xəbər verir ki, bu sözləri "Quba"nın baş məşqçisi Şəhriyar Əsgərov Azərbaycan Basketbol Liqasının XVIII turunda "Lənkəran"la matçdan sonra deyib.
Mütəxəssis komandasının 95:84 hesablı qələbəsini şərh edib:
“Gözlədiyimizdən ciddi müqavimətlə üzləşdik. "Lənkəran"ı göstərdikləri performansa, oyuna görə təbrik edirəm. Son oyunlarda komandamızın bir qədər fərqli oyun oynadığı nəzərə çarpırdı, xüsusilə də müdafiədə. Lakin bir sıra səbəblərə görə matçları uduzurduq, güclü rəqiblərlə qarşılaşırdıq. "Gəncə" və "Şəki"ni uda bilərdik. "Lənkəran"a qarşı isə komanda kimi oynadıq. Əsasən müdafiədə işlədik və qələbə qazandıq”.
Qeyd edək ki, “Quba” 23 xalla turnir cədvəlində beşinci pillədə qərarlaşıb.
