Şəkidə iki yanğın hadisəsi baş verib. Birində fərdi yaşayış evi, digərində isə minik avtomobili yanıb.
Shimal.News-un məlumatına görə, sentyabrın 3-də saat 23:00 radələrində Şəki şəhəri ərazisində yanğın qeydə alınıb.
Dilqəm Məmmədseyid oğlu Ağababayevə məxsus yaşayış ev və ona bitişik tikilmiş talvarın yanar konstruksiyaları yanıb.
Digər yanğın hadisəsi isə bu gecə saat 01:00 radələrində Yevlax-Zaqatala-Gürcüstan magistral yolunun Göybulaq kəndindən keçən hissəsində baş verib.
Hərəkətdə olan, Bilal Şaban oğlu Xalitova məxsus "Mercedes" markalı minik avtomobili yanıb.
Xəsarət alan olmayıb. Faktlarla bağlı araşdırma aparılır.
