Quba şəhərində 30 yaşlı kişinin meyiti yaşadığı evdə aşkarlanıb.
Shimal.News-un əldə etdiyi məlumata görə, hadisə bu gün saat 04:00 radələrində baş verib. Rövşən adlı şəxsin nəşi müayinə üçün morqa aparılıb. Onun ölümünün hansı şəraitdə baş verdiyi hələlik məlum deyil.
Məlumata əsasən, Rövşən ailəli olub və bir övladı var. O, Quba şəhərinin Molla Pənah Vaqif küçəsində yaşayıb və bazardakı mağazalardan birində çalışıb.
Təxminən 5 il əvvəl onun atasının da həyatına son qoyduğu bildirilir.
Hadisə ilə bağlı araşdırma aparılır.
