Bakı–Quba–Rusiya Federasiyası dövlət sərhədi avtomobil yolunun Giləzi kəndi ərazisində təhlükəli vəziyyət yaranıb. Qanunsuz müdaxilə nəticəsində hərəkət zolağına 2 beton baryer yerləşdirilib.
AAYDA-nın mətbuat xidmətindən bildirilib ki, qurum tərəfindən sözügedən beton baryerlərin əvvəlki yerinə bərpası təmin edilib.
"Qeyd edək ki, belə halların gələcəkdə təkrarlanacağı təqdirdə, qanunvericiliyə uyğun müvafiq tədbirlərin görülməsi üçün Azərbaycan Avtomobil Yolları Dövlət Agentliyi tərəfindən aidiyyəti hüquq-mühafizə orqanlarına müraciət ediləcəkdir", - deyə məlumatda vurğulanıb.
Mənbə: Baku.ws
