top
FIFA Ağsu stadionunun yenidən qurulmasına 275 min dollar ayırıb
24 oktyabr 2026, 02:07
- ↺ +

FIFA Ağsu stadionunun yenidən qurulmasına 275 min dollar ayırıb

Xəbərlərimizi Google-da izləyin
Yeniliklərdən dərhal xəbərdar olun
Abunə ol

Beynəlxalq Futbol Federasiyası (FIFA) Azərbaycanda futbolun inkişafına dair geniş material dərc edərək idman infrastrukturunun maliyyələşdirilməsi, gənc futbolçuların hazırlanması və müasir texnologiyaların tətbiqi ilə bağlı məlumatları açıqlayıb.

2016-cı ildən etibarən FIFA Forward proqramı çərçivəsində Azərbaycan üçün ümumilikdə 17,9 milyon dollar həcmində maliyyələşdirmə təsdiqlənib.

O cümlədən 2016–2022-ci illərdə təsdiqlənmiş vəsaitin həcmi 9,9 milyon dollar təşkil edib. Bunun 6,2 milyon dolları futbol infrastrukturunun inkişafına yönəldilib.

FIFA-nın dəstəyi ilə Gəncə şəhər stadionunun yenidən qurulması, Sumqayıt şəhər stadionunda iki, Bakı Olimpiya Stadionunda isə bir təbii örtüklü meydançanın salınması layihələri həyata keçirilib.

2022-ci ilin avqustunda Azərbaycan Premyer Liqasında və ölkə kubokunda VAR sisteminin tətbiqinə 480 min dollar ayrılıb. Layihə çərçivəsində Bakıda üç videoəməliyyat otağı və bir mobil otaq yaradılıb. Bu infrastruktur eyni vaxtda dörd matça xidmət göstərməyə imkan verir.

FIFA-nın materialında digər infrastruktur layihələrinə də yer ayrılıb:

- 745 min dollar — 2023-cü ildə Gəncədə futbol akademiyasının tikintisi;
- 275 min dollar — 2023–2024-cü illərdə Ağsu stadionunun yenidən qurulması;
- 194 651 dollar — 2024-cü ildə Dalğa Arena Məşq Mərkəzinin yenidən qurulması;
- 1 089 962 dollar — 2023–2024-cü illərdə Dalğa, Binə və Ağsu stadionlarında üç süni örtüklü meydançanın örtüyünün dəyişdirilməsi;
- 146 634 dollar — 2025-ci ildə Milli Təlim-Məşq Mərkəzində əlavə təmir işləri.

Beynəlxalq federasiya "Turan Tovuz" Futbol Akademiyasına xüsusi diqqət ayırıb. FIFA Forward proqramı çərçivəsində bu layihəyə 1,1 milyon dollar vəsait yönəldilib. Layihə FIFA, UEFA və AFFA-nın dəstəyi ilə həyata keçirilib.

Kompleksə biri qapalı olmaqla dörd mini-meydança, yaşayış və yemək sahələri, tibbi infrastruktur, trenajor zalı, sauna və iclas otağı daxildir. Bundan başqa, yaxınlıqda yerləşən Tovuz şəhər stadionu da yenilənərək müasirləşdirilib.

FIFA Azərbaycan futbolunda rəqəmsal texnologiyaların tətbiqindən də bəhs edib. 2025-ci ildə səkkiz stadionda videoanaliz üçün 48 kamera quraşdırılıb, istedadlı futbolçuların müəyyənləşdirilməsi məqsədilə mərkəzləşdirilmiş məlumat bazası yaradılıb.

2026-cı ildə isə maliyyə dəstəyi yeddi gənclər liqasında 1300 oyunu əhatə etməsi nəzərdə tutulan skautinq və futbolçuların izlənməsi platformasının tətbiqinə yönəldilir.

Əməkdaşlığın digər istiqaməti FIFA Arena proqramıdır. Azərbaycan 2025-ci ilin sentyabrında bu layihəni tamamlayan ilk 11 ölkə sırasında yer alıb. İki məktəbin ərazisində 6000-dən çox şagirdin istifadəsi üçün futbol meydançaları inşa edilib.

FIFA oktyabrın 24-dən 30-dək Azərbaycanda keçiriləcək 15 yaşadək futbolçular arasında dünya çempionatı və festivalına da geniş yer ayırıb.

Yarışda 189 milli futbol assosiasiyasını təmsil edən təxminən 3000 uşaq iştirak edəcək. Oyunların böyük hissəsi Hövsanda xüsusi olaraq inşa edilmiş idman kompleksində keçiriləcək. Turnir oktyabrın 24-də Crystal Hall-da təşkil olunacaq açılış mərasimindən sonra Azərbaycan və Şərqi Timor yığmalarının oyunu ilə start götürəcək.

AFFA prezidenti Rövşən Nəcəf yeni yaradılan infrastrukturun yarış başa çatdıqdan sonra da yerli futbol akademiyaları və klublar üçün imkanlar yaradacağını bildirib.

FIFA-nın Qlobal Futbolun İnkişafı Departamentinin rəhbəri Arsen Venger isə gənc futbolçuların yaşadıqları ölkədən asılı olmayaraq beynəlxalq yarış təcrübəsi qazanmasının vacibliyini vurğulayıb.

Beynəlxalq federasiya Azərbaycanın 2024 və 2026-cı illərdə FIFA Series oyunlarına ev sahibliyi etdiyini də xatırladıb. Ölkəmiz 2027-ci ildə isə Özbəkistanla birlikdə 20 yaşadək futbolçular arasında dünya çempionatını təşkil edəcək.

FIFA bu turnirləri futbol infrastrukturuna yatırılan vəsait və gənc oyunçuların inkişafı ilə birlikdə Azərbaycan futbolunun uzunmüddətli inkişaf strategiyasının bir-biri ilə əlaqəli mərhələləri kimi qiymətləndirir.

Son xəbərlər

Hadisə
Bu gün, 11:22

Xaçmazda Vətən müharibəsi iştirakçısı qəzada həlak olub – 4 yaralı var

Cəmiyyət
Bu gün, 10:55

Bəzi şimal rayonlarına qar yağır

Hadisə
Bu gün, 10:05

Xaçmazda ev yandı, 90 yaşlı qadın öldü

Cəmiyyət
Bu gün, 09:44

Balakəndə qaz təminatı dayandırılıb

Hadisə
Bu gün, 09:30

Qəbələdən olan tələbə Bakıda vəfat edib - VİDEO

Cəmiyyət
Bu gün, 09:05

Məktəblərdə payız tətili başlayıb

Hadisə
14 noyabr 2026, 18:00

Zaqatalada şəhid atası vəfat edib

İdman
14 noyabr 2026, 17:00

"Şahdağ Qusar" "Şəfa"ya qalib gəldi

Cəmiyyət
14 noyabr 2026, 16:00

Nə qaz var, nə də odun almağa pul: Kəndlərin qış qayğısı

Hadisə
14 noyabr 2026, 15:13

Zaqatalada iki avtomobil toqquşdu: 33 yaşlı sürücü yaralandı

Hadisə
14 noyabr 2026, 14:25

Qubada qəribə hadisə: Arvadı rayona gedən kişi TikTok-da tanış olduğu qadını evinə gətirdi

Cəmiyyət
14 noyabr 2026, 13:35

Nuh tufanından sonra salınan kənd? Xınalıqla bağlı maraqlı ehtimal

Hadisə
14 noyabr 2026, 12:47

58 min manatlıq mənimsəmə: Şəkidə sabiq bağça müdirinə hökm oxundu

Cəmiyyət
14 noyabr 2026, 11:52

Hərbi hissələrdə görüşə müvəqqəti məhdudiyyət qoyuldu

Cəmiyyət
14 noyabr 2026, 11:10

Vəlvələnin yolları aşsüzənə dönüb: sakinlər çalalar arasında yol axtarır

Cəmiyyət
14 noyabr 2026, 10:25

Qubada və Xaçmazda ağaclar qeydiyyata alındı

Cəmiyyət
14 noyabr 2026, 09:41

Şimallı qəhrəman şəhidlərimizin doğum günüdür

Hadisə
13 noyabr 2026, 22:00

Şamaxıda azyaşlı ağır xəsarət alıb

Cəmiyyət
13 noyabr 2026, 18:00

Qusarda ictimai nəqliyyatın acınacaqlı vəziyyəti: Səhər dolu avtobus, axşam nəqliyyatsız kəndlər

Cəmiyyət
13 noyabr 2026, 17:11

Şimalda güclü külək əsəcək

Cəmiyyət
13 noyabr 2026, 16:19

350 manat yığdılar, çalalar yenə qaldı: şimal rayonlarının yol dərdi

Cəmiyyət
13 noyabr 2026, 15:40

Ağsuda məktəblər təmir gözləyir, kəndlər su: deputat problemləri sadaladı

Hadisə
13 noyabr 2026, 15:00

2 aydan çoxdur həbsdədirlər: Şimali Kiprdəki 3 azərbaycanlının taleyi necə olacaq?

Cəmiyyət
13 noyabr 2026, 14:20

Quba məktəbliləri turnirlərdən medallarla qayıtdılar

Oxşar xəbərlər