Quba şəhərinin Fətəlixan küçəsində baş verən hadisə zamanı saxlanılan qazilərin hər biri 30 sutkalıq inzibati həbs cəzası alıb.
Məlumata görə, 26 yaşlı qazi avtomobili dövlət qeydiyyat nişanı olmadan idarə etdiyi üçün yol polisi əməkdaşları tərəfindən saxlanılıb.
Bu zaman sürücü və avtomobildə olan 34, 28 və 30 yaşlı digər qazilər polisin qanuni tələbinə tabe olmayıblar. Nəticədə onların hamısı saxlanılıb və barələrində müvafiq protokollar tərtib edilib.
Saxlanılanlar bildiriblər ki, Qubaya yol-nəqliyyat hadisəsi nəticəsində komaya düşən yoldaşlarını ziyarət etmək üçün gəliblər.
Məhkəmənin qərarı ilə onların hər biri 30 sutka müddətinə inzibati qaydada həbs edilib.
Mənbə: Lent.az
