Azərbaycan ilk dəfə qarüstü polo üzrə beynəlxalq turnirə - Dünya kubokuna ev sahibliyi edəcək. Qusarda keçiriləcək yarışda dörd ölkənin komandası mübarizə aparacaq.
Shimal.News xəbər verir ki, "Snow Polo World Cup Azerbaijan-2027" turniri fevralın 19–21-də Şahdağda təşkil olunacaq.
Yarışda İsveçrənin "Evviva Polo Club" St. Moritz, Avstriyanın "Kitzbühel Polo Club", ABŞ-nin "Aspen Polo Club" və Azərbaycanın "Land of Fire" komandaları iştirak edəcək.
Üç gün davam edəcək turnirdə komandalar Dünya Kubokunun qalibi olmaq uğrunda mübarizə aparacaqlar.
