Quba, Qax, Qəbələ, Şəki və İsmayıllıdan olan pedaqoqlar "İlin gənc müəllimi-2026" müsabiqəsinin növbəti mərhələsinə vəsiqə qazanıblar.
Shimal.News xəbər verir ki, Azedu.az Təhsil Portalı və "Azərbaycan müəllimi" qəzetinin birgə təşkilatçılığı ilə keçirilən müsabiqədə ən yaxşı 50 müəllimin siyahısı müəyyənləşib.
Müəllimlərin təqdim etdiyi məlumatlar ekspertlər tərəfindən 100 ballıq şkala əsasında qiymətləndirilib. Növbəti mərhələdə seçilmiş 10 müəllim onlayn səsverməyə çıxarılacaq. Həm peşəkar fəaliyyəti, həm də səsvermənin nəticələri ilə fərqlənən iştirakçılar qalib elan olunacaqlar.
Şimal rayonlarından seçilən müəllimlər:
İsmayıllı: Əsmər Mürsəlli – İ.Həsənov adına 1 saylı tam orta məktəbin təsviri incəsənət müəllimi;
Qax: Sevinc Hacıyeva – Tasmalı kənd tam orta məktəbinin biologiya müəllimi;
Qəbələ: Yasəmən Əkbərova – Müşfiq Murtuzov adına Tüntül kənd tam orta ümumtəhsil məktəbinin riyaziyyat və informatika müəllimi;
Qəbələ: Səadət Məhərrəmova – Vəndam qəsəbəsindəki Hikmət Rəşidov adına 2 nömrəli ümumtəhsil məktəbinin informatika müəllimi;
Quba: Orxan Bayramov – Fizika, Riyaziyyat və İnformatika Təmayüllü Liseyin riyaziyyat müəllimi;
Şəki: Ürfanə Səfərəliyeva – Aşağı Layısqı kənd tam orta ümumtəhsil məktəbinin ibtidai sinif müəllimi.
Digər 44 müəllim Bakı, Gəncə, Şəmkir, Ağdam, Zəngilan, Lerik, Ordubad, Culfa, Abşeron, Masallı, İmişli, Ağdaş, Ağcabədi, Lənkəran, Şirvan, Sabirabad, Ağdərə, Saatlı və Beyləqan da daxil olmaqla ölkənin müxtəlif şəhər və rayonlarını təmsil edirlər. Onlar ibtidai sinif, Azərbaycan dili və ədəbiyyat, riyaziyyat, informatika, xarici dil, musiqi, fizika, kimya, biologiya və digər fənlər üzrə fəaliyyət göstərirlər.
