Tarixi bina Quba rayonunun Yerfi kəndində yerləşir.
Həmin binada XIX əsrdə kənd məscidi fəaliyyət göstərirdi. Lakin sovet dövründə ibadətgahın fəaliyyəti dayandı, hücrələri isə daha sonra uçuruldu.
1934-cu ildən sonra məsciddən xalça arteli kimi istifadə olunurdu, 1941-1949-cu illərdə bina artelin ləğvi ilə daha pis vəziyyətə düşdü. Həmin vaxt Qonaqkəndin rəhbəri Əlövsət Haşımovun təşəbbüsü ilə məscid təmir olunub, daha sonra isə anbar kimi istifadə edilirdi.
1950-ci illərdə bina klub kimi fəaliyyət göstərib. O zaman burada hər həftə özfəaliyyət dərnəyinin tamaşaları qoyulurdu, ümumkolxoz iclasları və digər tədbirlər keçirilirdi. Burada ən azından həftədə iki dəfə kino göstərilirdi. Sakinlər axşamlar ailəliklə kinoya, tamaşaya baxmağa gələrdilər. Burada ən çox hind kinoları nümayiş olunurdu. 1980-ci illərdə bina mədəniyyət evi kimi fəaliyyət göstərirdi.
Hazırda bina baxımsız vəziyyətdədir.
İstinad edilən mənbələr:
