Sərkərli kəndi Xaçmaz rayonunun Samur-Dəvəçi ovalığında yerləşir.
Kəndin yaranma tarixi bəlli deyil. Lakin məlumdur ki, XIX əsrin ortalarında çar Rusiyası hakimiyyətini möhkəmləndirmək və sosial dayaq yaratmaq məqsədi ilə bu yaşayış məntəqəsinə Ukraynanın Borispol əyalətindən əhali köçürülmüşdür. Onlar burada məskunlaşandan sonra kəndin adı “Borispol”a dəyişdirilmişdir. Kəndin əvvəlki adı yalnız 1992-ci ildə qaytarılmışdır.
Filologiya elmləri üzrə fəlsəfə doktoru Qələmşah İdrisov “Xaçmaz toponimləri” kitabında kəndin adını “sərkər” (sərkar) oykonimi ilə bağlayır. Bu isə maldarlıqla məşğul olmuş qədim sərkər elatının adı ilə əlaqəlidir. Sərkarlar keçmişdə, əsasən, Şirvan xanlığında yaşayan xançobanlıların bir qoludur. Şirvan xanları da bu tayfadandır. Daha sonra onlar bir sıra ərazilərə köçmüşdülər.
Kənddə Sərkərtəpə adlı qədim yaşayış yeri mövcuddur. Burada tunc dövrünə aid daş alətlər, məişət əşyaları, yaşayış tikililəri aşkar edilib.
Bir vaxtlar Bakıda olmuş ABŞ professoru Flip Kol Sərkərtəpə ilə tanış olmaq üçün Xaçmazda olmuşdur.
XX əsrin əvvəllərində burada mədrəsə və kilsələr fəaliyyət göstərmişdir.
1915-ci ilin “Qafqaz təqvimi”ndə əhalinin siyahıyaalınmasına görə, kəndin əhalisi 161 nəfər təşkil edib. 2009-cu ilin rəsmi məlumatına əsasən, kənddə 550 nəfər yaşayıb.
[caption id="attachment_37670" align="alignnone" width="640"]
Photo Shimal.News[/caption]
[caption id="attachment_37671" align="alignnone" width="640"]
Photo Shimal.News[/caption]
İstinad edilən mənbələr:
