Müşkür kəndi Xaçmaz rayonunda, Samur-Dəvəçi ovalığında yerləşir.
XIX əsrdə Rusiyanın köçürmə siyasəti nəticəsində bu kənddə mərkəzi quberniyalardan köçüb gəlmiş ailələr məskunlaşmışdır. Buna görə kənd əvvəllər Yekaterinovka, daha sonra isə Pavlovka adlandırılmışdır. Kəndin bugünkü adı IV əsrdə yaranan Maskut (Məstəq) dövlətinin adı ilə yanaşı, Abbasqulu Ağa Bakıxanovun “Gülüstani-İrəm” əsərində qeyd olunan və XVII-XVIII əsrlərdə mövcud olan Müşkür mahalının adı ilə də əlaqələndirilir.
Müşkür kəndində 1983-cü ildə 594 nəfər yaşayıb. 2009-cu ilin rəsmi məlumatına əsasən, kəndin əhalisi 1575 nəfər təşkil edib. Əhali, əsasən, tərəvəzçilik və heyvandarlıqla məşğuldur.
İstinad edilən mənbələr:
