Ermənistanın silahlı qüvvələri 2020-ci ilin 27 sentyabrında təxribat törədərək cəbhəboyu Azərbaycan ordusunun mövqelərini intensiv atəşə tutdular. Buna cavab olaraq, Azərbaycan işğal altındakı torpaqlarını azad edilməsi məqsədilə Vətən müharibəsinə başladı.
44 gün sürən hərbi əməliyyatlar nəticəsində ordumuz Cəbrayıl, Füzuli, Zəngilan, Qubadlı, Şuşa şəhərlərini, işğal olunmuş rayonların 300-dən çox yaşayış məntəqəsini, həmçinin Ağdərə, Murovdağ və Zəngilan istiqamətlərində mühüm strateji yüksəklikləri işğaldan azad etdi. 10 noyabr 2020-ci ildə Azərbaycan, Ermənistan və Rusiya arasında imzalanan bəyanatdan sonra isə 20 noyabr – Ağdam, 25 noyabr – Kəlbəcər, 1 dekabr isə Laçın rayonu işğaldan azad olunub.
Vətən müharibəsi 8 noyabrda, Şuşanın azad edilməsindən sonra İlham Əliyev, Vladimir Putin və Nikol Paşinyan arasında 10 noyabr 2020-ci ildə üçtərəfli atəşkəs bəyanatı imzalanması ilə başa çatdı.
Vətən müharibəsi zamanı, 2908 hərbi qulluqçu şəhid olub, 6 nəfər isə itkin düşüb.
Prezident İlham Əliyev 2 dekabr 2020-ci ildə hər il sentyabrın 27-sinin Azərbaycan Respublikasında Anım Günü kimi qeyd edilməsi haqqında Sərəncam imzaladı.
Allah şəhidlərimizə rəhmət eləsin!
