Qubanın gəzməli və görməli yerləri

Quba rayonu Azərbaycan Respublikasının şimalında yerləşən və təbiəti, tarixi abidələri ilə məşhur olan bir bölgədir. Bu rayonda ziyarət ediləsi bir çox maraqlı yer var. Shimal.News görməyə dəyər bəzi yerlərin siyahısını təqdim edir:

Şəhər və onun tarixi yerləri

• Quba Müsəlman məzarlığı: Quba şəhərinin yaxınlığında yerləşən bu məzarlıqda müxtəlif dövrlərə aid qəbir daşları və məzarlar mövcuddur. Burada bir çox tarixi şəxsiyyətin də məzarı var.


• Quba Xalça Muzeyi: Muzeydə məşhur Quba xalçası və ənənəyə aid nümunələr təqdim edilir.


• Quba Rəssamlar evi: bir çox sənətkar və rəssam fəaliyyət göstərir. Yerli sənət əsərləri ilə maraqlananlar üçün mükəmməl bir yerdir.


• Quba Soyqırımı Memorial Kompleksi: 1918-ci ildə erməni qüvvələri tərəfindən azərbaycanlılara qarşı törədilən soyqırımın xatirəsinə inşa edilib. Burada, həmçinin soyqırım qurbanlarının xatirəsinə ucaldılmış abidə və muzey mövcuddur.


• Tağlı körpü: Şərq üslubunda inşa olunub. Körpü Qudyalçay üzərində salındığı üçün həm də bu çayın adını daşıyır. Onun tikilməsinin tələbi 18-ci əsrin sonu və 19-cu əsrin əvvəllərinə təsadüf edib. Bundan əvvəl 1851-ci ildə onun yerində dayaqlar üzərində salınan taxta körpü mövcud idi. Lakin daha möhkəm və dayanıqlı körpünün inşasını zəruri oldu. 1894-cü ildə Tağlı körpü Çar III Aleksandrın sifarişi ilə Rusiya İmperiyasının Qafqazda hərbi mövcudluğunu möhkəmləndirmək məqsədilə salındı. Əslində XIX əsrdə Qubada 7 körpü olsa da, yalnız bu körpü zamanın bütün sınaqlarına tab gətirib.
  Tağlı körpü həm də Qubanın Qırmızı qəsəbəsini şəhərin mərkəzi ilə birləşdirir. Bu körpüdən əsrlərdir ki, yerli və burada yaşayan dağ yəhudiləri istifadə edir.

• Quba Dağları: Quba rayonunun ərazisi dağlıqdır və bu, turizm üçün böyük imkanlar yaradır. Dağlar, yayda təbiət həvəskarları və dağçılar üçün ideal yerdir.


• Xınalıq kəndi: Quba rayonunun ən yüksək dağ kəndlərindən biridir. Xınalıq, həm təbiəti, həm də qədim mədəniyyəti ilə məşhurdur.


• Afurca şəlaləsi: Vəlvələ çayının Yan silsiləsinin kəsib keçdiyi yerdə əmələ gətirdiyi kanyonvari dərənin yamacında, eyniadlı çayın üzərində yerləşir.


• Təbii Minarə: Qrızdəhnə yolunun başlanğıcında, Qudyalçayın daş qayanı dəlib keçməsi nəticəsində yaranan təbii abidədir. Onun tektonik proseslər və çayın eroziyası nəticəsində IV əsrdə yarandığı güman olunur.


• Çənlibel gölü: Quba şəhərinin mərkəzindən 14 kilometr məsafədə, İkinci Nügədi kəndi ətrafında, meşəliklərlə əhatə olunan ərazidə yerləşir. Bir vaxtlar torpaqların suvarılması məqsədilə salınıb. Bu gün Qubanın ən gözəl guşələrindən biri hesab olunur. Bələdçilər sizin üçün xüsusi olaraq hazırlanmış cığırlarla yürüş – haykinq tur da təşkil edə bilərlər.


• Qurqur şəlaləsi: özünəməxsus danışıq dili və mədəniyyətə malik olan Qrız kəndindən 2,8 km məsafədə yerləşir. El arasında həm də Qrız şəlaləsi olaraq tanınır. Qrız-Qalaxudat haykinq marşrutunun üzərindəki şəlalə dəniz səviyyəsindən 2190 m hündürlükdədir, hündürlüyü isə 6 m-dir. Qurqur şəlaləsi Qızılqaya dağından başlayır, mənbəyini ondan bir qədər aralıda yerləşən Babbey şəlaləsi və Bərkdərədən götürür. Qışda qayalıqlar arasından süzülən şəlalə şaxtanın təsirindən donub buz bağladığı üçün möcüzəvi görüntü yaradır. Kənddən şəlaləyə maşın yolu yoxdur. Kəndə gedən və hazırda istifadə olunan yol çox çətin və təhlükəli olduğundan yalnız UAZ tipli və ya yolsuzluq avtomobilləri ilə getmək mümkündür. Təhlükəsizlik baxımından peşəkar bələdçi və ya kənd sakinlərinə müraciət edə bilərsiniz.

• Qudiyalçay: rayonun mərkəzindən keçən çay. Onun ətrafı, xüsusən yaz və yay aylarında çox gözəl olur.


• Nizami parkı - 1946-cı ildə salınıb. Azərbaycan şairi Nizami Gəncəvinin şərəfinə adlandırılıb. Mərkəzində Nizami Gəncəvinin heykəli və parkın girişindən pilləkanlara qədər olan yolda onun əsərlərinin reproduksiyası əsasında 16 panno var. Parkın ərazisində Şahmat məktəbi, Quba Rayon Tarix-Diyarşünaslıq Muzeyi və bir türbə yerləşir.


• Şahdağ Milli Parkı: Quba, Qusar, İsmayıllı, Qəbələ, Oğuz və Şamaxı rayonlarını əhatə edir. Burada nadir bitki və heyvan növləri var. Təbiət həvəskarları və ekoturizmi sevənlər üçün mükəmməl bir yerdir.

• Quba Bazarları: Quba şəhərində yerləşən bazarlarda yerli əhali tərəfindən istehsal olunan məhsullar, eləcə də meyvə və tərəvəzlər, əl işləri, xalçalar satılır.


• Rayonda kənd turizmi üçün maraqlı yerlər var. Quba rayonunun ətrafında yerləşən kəndlərdə qədim məscidlər, kilsələr və digər tarixi abidələrə rast gəlmək mümkündür.


• Qırmızı Qəsəbə: postsovet məkanında (digər mənbələrdə – dünyada) dağ yəhudilərinin kompakt yaşadığı yeganə yerdir. Qırmızı qəsəbəyə bəzən “Kiçik İsrail” və yaxud “Qafqaz Yerusəlimi” də deyirlər.


• Qəçrəş: rayon mərkəzindən 12 km məsafədə yerləşən kənd. Burada çoxsaylı istirahət mərkəzi fəaliyyət göstərir. Ərazisi hər tərəfdən meşəlikdir. Çoxlu təbii bulaqları var. Bitki aləmi isə zəngindir.


• Təngəaltı: dağlar, meşələr, çaylarla əhatələnib. Rayon mərkəzinə çox yaxındır  və gözəl ab-havası var. Cimiçay bu ərazidən keçir. Eləcə də vəlvələçayın yan silsiləsini kəsdiyi yerin yaxınlığındadır. Oykonim tat dilindəki təngə (dar dərə) və altı (“aşağı” mənasında olub, mövqe bildirir) sözlərinin birləşməsindən düzəlib. “Dar keçidin, yaxud dar dərənin altı” deməkdir.