Ağ məscid Quba şəhərinin Cəfər Cabbarlı küçəsində yerləşir. İbadətgah yerli sakinlərin köməyi ilə inşa olunub. İbadət evinin adı binanın görünüşünə görə verilib.
İbadətgah düzbucaqlı formadadır. İbadət evinin fasadı ağ rəngdədir. Məscid üç mərtəbədən ibarətdir. İbadətgahın birinci mərtəbəsi toplantıların, konfransların keçirilməsi üçün istifadə olunur. İkinci mərtəbə kişilər, üçüncü mərtəbə isə qadınlar üçün nəzərdə tutulub.
Məscidin xüsusi cəhətlərindən biri isə burada Cümhuriyyət qurucularına həsr olunan muzeyin fəaliyyət göstərməsidir. Burada İttihad Partiyasının nümayəndəsi Həmidulla Əfəndi və onun silahdaşlarının portretləri, əşyaları toplanılıb. Həmçinin onların Qubada başladıqları xalq hərəkatı dövründən qalan silahları və əlyazmaları qorunub saxlanılır. Bu xatirə guşəsinin məqsədi qəhrəmanlarımızın həyat mübarizəsini insanlara çatdırmaqdır.
İstinad edilən mənbələr:
