Son yağan güclü yağışlardan sonra Qubada təsərrüfat sahibləri çətin vəziyyətə düşüblər.
Space TV-nin məlumatına görə, Aşağı Xuc kəndində suvarma kanalı yararsız hala düşüb. Onun ətrafı dağılıb və iri yarğanlar əmələ gəlib.
Sakinlərin sözlərinə görə, vaxtında tədbir görülməsə əkin sahələri quruyacaq. Havalar yağışlı keçdiyinə görə, yaşıllıq hələ ki, var. Keçən ilin istisi indi olsa idi, bağlar çoxdan quruyardı.
Məsələ ilə bağlı Quba Su Meliorasiya Sistemlərinin idarəsindən bildirilib ki, bu ilin sonuna kimi bərpa işləri aparılacaq. Yaxın günlərdə texnika ayrılacaq və təmizlik işləri aparılacaq. Əkin sahələri isə su ilə təmin olunacaq.
