“Quba Meydanı” mədəniyyət və istirahət parkının qarşısında ərzaq yarmarkası keçirilir. Bu barədə ShimalNews 27 dekabr tarixində məlumat verir.
Hal-hazırda bazara insan axını davam edir. Onların sözlərinə görə, bəzi hallarda məhsulun üzərində qiymət yazılmasa da, yarmarkadakı qiymətlər cüzi belə olsa, sərfəlidir. Məsələn mal əti - 9 manat, broyler toyuq – 4.5 manat, alma - 30-70 qəpik və s.
Burada satışa rayonun bir çox kəndlərinə məxsus məhsullar təqdim olunub. Buranı ziyarət edənlər arasında rayon İcra Hakimiyyətinin başçısı Ziyəddin Əliyev və dövlət qurumlarının nümayəndələri də var.
Yarmarka Dünya Azərbaycanlılarının Həmrəyliyi Günü və Yeni il münasibətilə sabah da davam edəcək. Bu tarixlərdə satış saat 08:00-da başlayacaq və məhsul bitənədək davam edəcək.
