Quba rayonunda prokurorluq işçilərinin peşə bayramının 104 illiyi qeyd olunur. Bu barədə ShimalNews 1 oktyabr tarixində məlumat verir.
Səhər saatlarında Heydər Əliyev adına Mədəniyyət və İstirahət parkında tədbir keçirilib. Prokurorluq işçiləri və digər dövlət qurumlarının nümayəndələri ümummilli liderin abidəsinin önünə gül dəstələri qoyublar.
17 iyul 1998-ci ildə Heydər Əliyev Sərəncam imzalamışdır. Bu Sərəncama əsasən, Azərbaycan Xalq Cümhuriyyətinin Nazirlər Şurasının 1 oktyabr 1918-ci il tarixli qərarı ilə Bakı Dairə Məhkəməsinin tərkibində prokurorluq orqanlarının fəaliyyətə başlamasını əsas tutaraq, hər il oktyabr ayının 1-i Azərbaycan Respublikası Prokurorluğu işçilərinin peşə bayramı günü kimi qəbul olunmuşdur.
