1920-ci ilin dekabrında Azərbaycanın Quba qəzasının kəndliləri VIII Ümumrusiya Sovetlər Qurultayının ünvanına bir vaqon alma sovqatı göndərir. Sovqatı Quba Qəza İnqilab Komitəsinin sədri Qasım İsmayılov Rusiya Federativ Respublikasının Xalq Komissarları Sovetinin sədri Vladimir İliç Leninə şəxsən çatdırır.
Deyilənə görə, Lenin almaların Moskvanın uşaq bağçaları arasında paylanılması üçün göstəriş versə də, meyvələrdən ikisi onun payına düşür. Quba almalarının dadı Leninin xoşuna gəlir. Nəticədə o, Quba kəndlilərinə minnətdarlıq edir və sakinlərə çap maşınını hədiyyə edir.
“Pravda” qəzetinin 1921-ci ilin yanvar buraxılışında “Kubinskiye nastroyeniya” (Quba əhval-ruhiyyəsi) adlı məqalə dərc olunub. Bu məqalədə belə qeyd var: “Bu almalar adi almalar deyillər. Bu almalar Şərqin azadlığa çıxarılmasını istəyən Quba qəzası kəndlilərinin arzusunu ifadə edir”.
Həmin mətbəə çap maşınının sayəsində 1921-ci ilin aprel ayından etibarən Qubanın tarixində “Əxbar” adlı (indiki “Şəfəq”) qəzet çap olunmağa başlayır. Bu qəzet Qubanın ilk qəzeti və Azərbaycanın ilk region qəzetlərindən biri hesab olunurdu.
Çap maşını Almaniyanın “Albert and Co. Frankenthal” firmasının 1900-cu ildə istehsal etdiyi “Universal” tipli mətbəə çap maşını idi. Lakin çap maşını təxminən 1980-ci ilədək Quba mətbəəsində istifadə edilib. Sonra isə qəzetin nəşri daha müasir üsullara keçdiyindən bu çap maşını istifadə olunmayıb.
Həmin maşın hazırda Bakı şəhərində, İstiqlal muzeyinin eksponatları arasında nümayiş olunur.
[caption id="attachment_20684" align="alignnone" width="300"]
Photo Shimal.News[/caption]
[caption id="attachment_20683" align="alignnone" width="300"]
Photo Shimal.News[/caption]
[caption id="attachment_20682" align="alignnone" width="300"]
Photo Shimal.News[/caption]
[caption id="attachment_20681" align="alignnone" width="300"]
Photo Shimal.News[/caption]
İstinad edilən mənbələr:
