Prezident İlham Əliyev bir sıra birinci instansiya məhkəmələrinin hakimlərinin təyin edilməsi haqqında Sərəncam imzalayıb.
Shimal.News xəbər verir ki, sərəncama əsasən, Quba Rayon Məhkəməsinə İsa-zadə Elnur Nizami oğlu, Şəki Ağır Cinayətlər Məhkəməsinə Əfəndizadə Tural Qurbanəli oğlu, Şəki İnzibati Məhkəməsinə Həsənzadə Səbuhi Mehdi oğlu və Həşim Rəşad Əlisahib oğlu hakim təyin ediliblər.
Bundan başqa, Balakən Rayon Məhkəməsinə Abbaslı Vüqar Qurban oğlu, Zaqatala Rayon Məhkəməsinə isə Tağıyeva Vəfa Hənifə qızı hakim vəzifəsinə gətirilib.
Sərəncamla Bakı, Sumqayıt, Gəncə, Lənkəran, Şirvan və digər şəhər və rayonların məhkəmələrinə də hakim təyinatları həyata keçirilib.
Qeyd edək ki, təyinatlar ağır cinayətlər, inzibati, kommersiya, hərbi və rayon (şəhər) məhkəmələrini əhatə edir.
