Tural Məmmədov şəhid ailələri və müharibə iştirakçılarını mənzil, avtomobil və işlə təmin etmək vədləri ilə aldatmaqda təqsirli bilinib.
Shimal.News xəbər verir ki, Şəki Ağır Cinayətlər Məhkəməsində hakim Tural Əfəndizadənin sədrliyi ilə keçirilən prosesdə hökm oxunub.
Hökmə əsasən, Tural Məmmədov 9 il müddətinə azadlıqdan məhrum edilib. Zərərçəkmişlərin mülki iddiaları təmin olunub və ona dəymiş ziyanı ödəmək öhdəliyi qoyulub.
İttihama görə, Tural Məmmədov Şəki Şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri vəzifəsində çalışdığı dövrdə mənzil, avtomobil və iş üçün texniki avadanlıqlarla təminat vədləri verərək müxtəlif məbləğlərdə pul alıb.
O, Cinayət Məcəlləsinin dələduzluq və külli miqdarda, təkrar rüşvət alma ilə bağlı maddələri üzrə təqsirləndirilib.
