Müasir Azərbaycan, Ermənistan, İran, İraq və Əfqanıstan ərazilərini əhatə edən keçmiş Səfəvi dövlətinin qurucusu, Şah İsmayılın babası və Ərdəbil hökmdarlarından biri olan Şeyx Cüneydin türbəsi Qusar rayonunda yerləşir.
Shimal.News şeyxin dəfni ilə bağlı bir əfsanəni oxucuların diqqətinə çatdırmaq istəyir. O, öldükdən sonra meyitini dəvənin üstünə qoyub və heyvanın sərbəst buraxılmasını vəsiyyət edib. Dəvə harada otursa, elə orada da dəfn edilməsini istəyib. Davamçıları isə bunu əməl ediblər.
Dəvə Həzrə kəndi yaxınlığındakı meşəlik ərazidə dayansa da hökmdarların yaxınları, bu yerin ona layiq olmadığını hesab etdilər. Onlar ərazidən uzaqlaşaraq dincəlməyə qərar verdilər, ancaq oyananda dəvəni tapa bilmirdilər. Heyvan Həzrənin yaxınlığında tapıldı və oradan yenə uzaqlaşdırıldı, lakin bu hadisə bir neçə dəfə təkrarlandı.
"Sonra buranın bir növ sirli yer olduğunu anlayıb, şeyxi Həzrənın yaxınlığında dəfn etmək qərarına gəldilər", - türbənin baxıcısı Məhrubə Kərimova bildirib.
Türbənin əsas girişinin sağ tərəfində ərəb dilində bir divar yazısı var:
"...kəramət sahiblərinin sultanı, yetişmiş və bəyənilmişlərin rəhbəri, ariflərin rəisi, düz yolla gedənlərin yol göstərəni, təriqət məsləkində vahid yol saçmış həqiqət məmləkətlərinin sahibi, öz fəziləti ilə eyni məslək istəyənlərin müridi, kainatın sahibi, öz fəziləti ilə dövlətli olan Sultan Şeyx Cüneyd Səfəvinin-Allah onun qəbrini işıqlandırsın və şəhid olduğu yeri haqq eləsin-qəbri üzərində doqquz yüz əlli birinci ilin axırlarında tikilməsinə müvəffəq olmuşdur".
Sovet hakimiyyəti dövründə tarixi abidəni bir neçə dəfə bərpa etmək cəhdləri olub, lakin heç bir iş görülməyib. 2006-cı ildə türbə yenidən qurulub.
Mənbələr:
