Tahir Aslanlı 23 fevral 1951-ci ildə Quba rayonunun Çiçi, bəzi mənbələrdə isə Zizik kəndində anadan olub. O, mühəndis, şair və jurnalist idi. Həmçinin Tahir Aslanlı müstəqil Azərbaycan Respublikasının diplomatlarından biri olub.
Tahir əmək fəaliyyətinə 1967-ci ildə Bakıda qarışıq mallar ticarəti idarəsində fəhlə kimi başlamışdır. O, 1981-ci (1982) -1987-ci illərdə Moskvadakı Qorki adına Ədəbiyyat İnstitutunun poeziya şöbəsində təhsil almışdır.
Şair 1982-1984-cü illərdə “Sovetski pisatel” nəşriyyatı nəzdində ədəbiyyatçılar şurasına qəbul edilmişdir. 1984-1987-ci illərdə SSRİ Ədəbiyyat fondu yanında yazıçıların həmkarlar komitəsinin üzvü kimi çalışmışdır.
Aslanlı 1987-ci ildən “Molodyoj Azerbaydjana” qəzetinin şdatdankənar müxbiri, “Drujba narodov” jurnalında ədəbi işçi vəzifələrində işləmişdir.
O, 1988-ci ildən Yazıçılar Birliyinin üzvü idi. Tahirin “Burada doğulmuşam”, “Ağlaya bilməyən kişilər də var”, “Təbrizdən məktub”, “Çıxart məni yadından” kimi şeirləri var. Həmçinin Tahir “Günəşə uzanan illər”, “Başımın üstündə bir ovuc torpaq”, “Dilimizin düyünü”, “Ürəyimdəki kölgə” kitablarının müəllifidir. Onun əsərləri ingilis, alman, fransız, macar, ərəb və fars dillərinə tərcümə edilib.
Tahir Aslanlı xarici ölkələrdə Mədəni Əlaqələr Cəmiyyəti - “Vətən” Cəmiyyətinin Rusiyada təmsilçisi, həmçinin “Drujba” Millətlərarası Ədəbiyyat və Sənət jurnalının Moskvadakı müşaviri olub. Həyatının son illərində Azərbaycanın Rusiyadakı səfirliyində çalışıb.
Tahir Aslanlı 5 avqust 1995-ci ildə vəfat edib.
İstinad edilən mənbələr:
