Mehriban Arif qızı Əliyeva 26 avqust 1964-cü ildə Bakı şəhərində anadan olub.
O, 1981-ci ildə Bakı şəhəri 23 №-li orta məktəbi bitirəndən sonra indiki Azərbaycan Dövlət Tibb Universitetinin müalicə-profilaktika fakültəsinə daxil olub. Daha sonra 1988-ci ildə İ.M.Seçenov adına Birinci Moskva Dövlət Tibb İnstitutunu fərqlənmə diplomu ilə bitirib.
Mehriban Əliyeva 1990-1995-ci illərdə Moskvada Göz Xəstəlikləri Elmi-tədqiqat İnstitutunda işləyib.
O, 2004-cü ildən Heydər Əliyev Fonduna rəhbərlik edir. Mehriban xanım UNESCO-nun və ISESCO-nun Xoşməramlı səfiridir.
2017-ci ildə Prezident İlham Əliyevin sərəncamı ilə Mehriban Əliyeva Azərbaycanın Birinci vitse-prezidenti təyin edilib.
