Bu gün Boz ayın ilk çərşənbəsi - Su çərşənbəsidir.
Su çərşənbəsində kənd yerlərində bütün insanlar çaya gedirlər, axan suda əllərini, üzlərini yuyurlar. Qədim inanclara görə, bunu etməklə onların üzərlərində olan bütün pisliklər həmin suya tökülərək məhv olacaq, onlar da yeni ilə saf daxil olacaqlar. Şimal bölgəsində olan adətə görə, bulaqdan su götürən qadınlar onu küçə boyu qapılara, hasarların dibinə tökürlər.
Su çərşənbəsində insanlar Novruz bayramına hazırlıqlara başlayırlar. Həmin gün süfrələr bəzədilir. Bu çərşənbə masaya su qoymaq lazımdır, həmin suyun masa üzərinə aşması isə ilin bərəkətli olacağından xəbər verir.
