27 sentyabr 2020-ci ildə Ermənistan silahlı qüvvələri təxribat törədərək Azərbaycan Ordusunun mövqelərini növbəti dəfə atəşə tutdu. Bununla İkinci Qarabağ müharibəsi başlandı. Vətən müharibəsi 10 noyabr 2020-ci ildə Azərbaycan Ordusunun qələbəsi ilə başa çatdı.
Azərbaycanda Zəfər Gününün təsis edilməsi haqda Prezident İlham Əliyev iki Sərəncam imzalayıb. İlk Sərəncama əsasən, Zəfər Günü hər il noyabrın 10-da keçirilməli idi. Lakin 10 noyabr Türkiyədə Mustafa Kamal Atatürkün anım günü olduğundan Prezident İlham Əliyev Zəfər Gününün tarixinin dəyişdirilməsi barədə qərar qəbul etmişdir.
8 Noyabr - Şuşa şəhərinin və onun işğaldan azad edilməsinin tarixi əhəmiyyəti nəzərə alınaraq, Zəfər Gününün hər il həmin gün təntənəli şəkildə qeyd edilməsi qərara alınmışdır.
