Dağ Yəhudilərinin Muzeyi Quba şəhərində - Qırmızı Qəsəbədə yerləşir. Muzey Karçogi sinaqoqunun yerində inşa olunub. Muzeyin açılışı 3 fevral 2020-ci ildə baş tutub. Burada dünyanın müxtəlif yerlərindən gətirilən geyim, zərgərlik, ayin qabları, əlyazmalar, kitablar və antik əşyalar kimi eksponatlar saxlanılır.
Şəxsiyyətlər Muzeyi Xaçmaz şəhərinin Heydər Əliyev prospektində, Xaçmaz Tarix-Diyarşünaslıq muzeyinin ön tərəfində yerləşir. Muzey 2006-cı ildə yaradılıb. Muzey açıq səma altında fəaliyyət göstərir və Azərbaycanın görkəmli şəxsiyyətlərini tanıtmaq məqsədini daşıyır. Burada Nizami Gəncəvi, Məhəmməd Füzuli, Xurşidbanu Natəvan, Üzeyir Hacıbəyov, Müslüm Maqomayev, Qara Qarayev, Fikrət Əmirov, Niyazi, Rəşid Behbudovun heykəlləri ucaldılmışdır.
Muzey Qusar şəhərində yerləşir. Rus şairi Mixail Yuryeviç Lermontov 1837-ci ildə çar Rusiyasına qarşı çıxdığına görə Qafqazda xidmət etməyə sürgün ediləndə həmin evdə bir müddət yaşamışdır. Ev-Muzeyi şəxsi mülkiyyətdir və buranı ziyarət etmək yalnız sahibinin icazəsi ilə mümkündür.
İstinad edilən mənbələr:
