İcra başçısı İlqar Mahmudov Digah kəndində keçirdiyi səyyar qəbulda vətəndaşların problemlərini dinləyib.
Shimal.News xəbər verir ki, noyabrın 5-də keçiriliən görüşdə rayonun idarə, müəssisə və təşkilatlarının rəhbərləri də iştirak ediblər.
Tədbirdən öncə əvvəl İlqar Mahmudov və onu müşayiət edən şəxslər Birinci Qarabağ müharibəsi şəhidi Fərhad Həmzəyevin Digah kənd tam orta məktəbinin qarşısında ucaldılmış büstünü ziyarət ediblər. Məktəbdəki şəhid xatirə guşələrinin önünə də gül dəstələri qoyulub.
Səyyar qəbul zamanı sakinlər müraciətlərini diqqətə çatdırıblar. İcra başçısı vətəndaşları dinlədikdən sonra məsələlərin həlli ilə bağlı müvafiq göstərişlər verib.
Kənd sakinləri müraciətlərinə göstərilən diqqətə və problemlərin həlli istiqamətində görülən işlərə görə minnətdarlıqlarını bildiriblər.
