Oğuzda 160 məktəbli kross qaçışı və velosiped sürmə üzrə bacarıqlarını nümayiş etdirib.
Shimal.News xəbər verir ki, rayon birinciliyi 8 noyabr Zəfər Günü münasibətilə keçirilib.
Yarış Oğuz Rayon İcra Hakimiyyətinin dəstəyi, Yeni Azərbaycan Partiyasının Oğuz rayon təşkilatının, Şəki-Zaqatala Regional Gənclər və İdman İdarəsinin və Şəki-Zaqatala Regional Təhsil İdarəsinin Oğuz rayon üzrə təhsil sektorunun birgə təşkilatçılığı ilə baş tutub.
Tədbirdə çıxış edənlər Zəfər Gününün Azərbaycan tarixindəki əhəmiyyətindən, xalqın birliyindən və ordunun rəşadətindən danışıblar. Şəhid və qazilərin fədakarlığının heç vaxt unudulmayacağını, Zəfər tarixinin isə gələcək nəsillərə çatdırılmasının vacibliyini vurğulayıblar.
Sonda qaliblərə hədiyyələr, medal və diplomlar təqdim olunub.
