ADPU-nun Quba filialında “Narkomaniyasız sağlam həyat” mövzusunda tədbir keçirilib. Bu barədə ShimalNews 30 sentyabr tarixində Daxili İşlər Nazirliyinin Mətbuat Xidmətinə istinadən məlumat verir.
Tədbir zamanı tələbələrə “ağ ölüm”ün fəsadları barədə ətraflı məlumat verilib. Görüşdə RPŞ-nin rəis müavini, polis polkovnik-leytenantı Vüsal Rüstəmov və digər əməkdaşları çıxış ediblər. Onlar gənclərimizi zərərli vərdişlərdən qorumaq üçün narkotik vasitələrin cəmiyyətdə törətdiyi fəsadlarla bağlı məlumatlandırıblar.
Diskussiya şəklində davam edən tədbirdə gəncləri maraqlandıran suallar cavablandırılıb. Sonda narkomaniyanın fəsadları ilə bağlı sosial videoçarx nümayiş edilib.
