Bu gün 5 oktyabr - Beynəlxalq Müəllimlər Günüdür. Bununla bağlı shimal.news sizə 60 il fasiləsiz pedaqoji fəaliyyətlə məşğul olan qusarlı Səbri müəllim haqqında məlumatı təqdim edir.
Səbri Babayev 1923-cü ildə Qusar rayonunun Xuluq kəndində anadan olub.
O, 1934-1935-ci illərdə Qusar Pedaqoji Məktəbinə daxil olub. Babayev 1938-ci ildə Qusar Pedaqoji Texnikumunu bitirərək, təhsilini indiki Azərbaycan Dövlət Pedaqoji Universitetində davam etdirmişdir. Lakin həmin zaman səhhəti ilə bağlı problemləri olduğundan o, 6 aylıq müalicədən sonra Quba Dövlət Müəllimlər İnstitutunda təhsilini davam etdirmişdir. 1940-cı ildə o, Qusar rayonunun Tahircal kəndinə müəllim təyin edilmiş, 1941-1943-cü illərdə Kalanxur yediillik məktəbinə direktor vəzifəsinə təyin olunmuşdur.
1961-ci ilə qədər Qusar rayonunun Samur qəsəbəsində, Qusar rayon məktəbində müəllim, dərs hissə müdiri və direktor vəzifələrində işləmişdir. O, 15 il fasiləsiz Respublika Həmkarlar İttifaqı Qusar Rayon Komitəsinin sədri olmuşdur.
1960-cı ildə ona “Əməkdar müəllim” fəxri adı verilmişdir.
Səbri Babayev “Qusar 60 ildə” və “Qusarda xalq maarifinin inkişafı” kitablarının müəllifidir.
Səbri Babayev 2003-cü ildə vəfat etmişdir.
İstinad edilən mənbələr:
