5 oktyabr 2020-ci ildə Ermənistan silahlı qüvvələri Azərbaycanın ikinci böyük şəhəri olan Gəncəni ikinci dəfə raket atəşinə məruz qoydu.
Shimal.News xatırladır ki, həmin gün endirilmiş 3 raket zərbəsi nəticəsində 3 mülki şəxs müxtəlif bədən xəsarətləri ilə xəstəxanaya yerləşdirildi.
Raketlərdən biri Gəncənin Şah İsmayıl Xətai prospektində yerləşən “Grand Qafqaz” Ticarət Kompleksinə düşərək böyük dağıntılara səbəb oldu. Digər zərbələr nəticəsində isə “İmamzadə” dini kompleksində də ziyan qeydə alındı.
Ümumilikdə, Gəncəyə endirilmiş raket hücumları nəticəsində 6-sı uşaq və yeniyetmə olmaqla 26 nəfər həlak olub, 29-u uşaq olmaqla 130-a yaxın insan müxtəlif dərəcəli bədən xəsarətləri alıb. Bu faciəli hadisələr zamanı 4 uşaq hər iki valideynini itirib.
