Azərbaycan Xalq Cümhuriyyətinin qərarı ilə 26 iyun 1918-ci ildə ilk hərbi hissə – əlahiddə korpus yarandı. Bu qərar müsəlman Şərqində ilk demokratik hökumətin öz ordusunu yaratmasına hüquqi əsas verdi. Bunun ardınca orduya çağırış haqqında hökumət tərəfindən Fərman verildi.
Azərbaycan müstəqilliyini bərpa edəndən sonra, 9 oktyabr 1991-ci il ildə Azərbaycan Respublikasının Ali soveti Ordunun yaradılması haqqında qanun qəbul etdi.
1998-ci ildə 26 İyun – Silahlı Qüvvələr Günü elan edilib.
Tariximizin şanlı səhifəsi sayılan bu gün, 107-ci ildönümünü böyük qürur hissi ilə qeyd etdiyimiz Azərbaycan Ordusunda vahid komandanlığın təmin edilməsi, nizami ordu quruculuğu prosesinin prioritet məsələ elan olunması xalqımızın Ümummilli Lideri Heydər Əliyevin bu istiqamətdə atdığı cəsarətli addımların nəticəsidir.
Dövlətimizin başçısı İlham Əliyevin və Birinci vitse-prezident Mehriban Əliyevanın diqqət və qayğısı sayəsində hərbi qulluqçuların xidməti-məişət şəraitinin, maddi rifah halının, mənzil məsələlərinin yaxşılaşdırılması və sosial qayğılarının həlli istiqamətində görülən işlərin davam etdirilməsi hərbi xidmətə marağın artmasına səbəb olub.
Möhtərəm Prezident, cənab Ali Baş Komandanın 28 dekabr 2011-ci il tarixli "Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə" Fərmanının icrasının təmin edilməsi məqsədilə 20 təqvim ili və daha çox qüsursuz xidmət edən hərbi qulluqçulara daimi mənzillərin verilməsi şəxsi heyətdə böyük ruh yüksəkliyi yaradıb.
Müzəffər Ali Baş Komandan İlham Əliyev Xankəndi şəhərində Zəfər meydanında hərbi parad qəbul etməklə Xalq, Dövlət, Ordu birliyinin təcəssümü olan Vətən Müharibəsində Böyük Qələbəni təsdiqlədi.
