1990-cı il yanvarın 19-dan 20-nə keçən gecə sovet ordusu Mixail Qorbaçovun əmri ilə Bakıya və Azərbaycanın bir neçə rayonuna yeridilmişdir.
Sovet ordusu tərəfindən 200 evə, 80 nəqliyyat vasitəsinə, həmçinin təcili tibbi yardım maşınlarına atəş açılmışdır. Nəticədə dinc əhali ağır texnikadan və müxtəlif tipli silahlardan atəşə tutularaq qətlə yetirilmişdir: 131 nəfər öldürülmüş, 744 nəfər yaralanmış, 841 nəfər qanunsuz olaraq həbs edilmiş, yüzlərlə insan isə itkin düşmüşdür.
Həmin faciənin şəhidləri 1990-cı il yanvarın 22-də Bakıdakı Dağüstü Parkda - Şəhidlər xiyabanında dəfn olunublar.
Allah şəhidlərimizə rəhmət eləsin!
