Ümummilli lider Heydər Əliyevin 16 avqust 2000-ci il tarixli Sərəncamına əsasən, 18 avqust Sərhəd Qoşunları əməkdaşlarının peşə bayramı günü kimi təsis edilmişdir. Buna səbəb isə 18 avqust 1919-cu ildə Azərbaycan Xalq Cümhuriyyətinin parlamenti tərəfindən sərhədlərin mühafizəsi haqqında qanunun qəbul edilməsi idi.
Həmin zaman Azərbaycanın Sərhəd Qoşunları fəaliyyətə başlayıb. Azərbaycan Xalq Cümhuriyyəti 99 post yaradaraq, Azərbaycan sərhədlərinin mühafizəsini təşkil edib.
Sovet İttifaqı dövründə Sərhəd Xidməti Dövlət Təhlükəsizlik Komitəsinin bir strukturu kimi fəaliyyət göstərib. Müstəqillik illərində isə Sərhəd Xidməti Milli Təhlükəsizlik Nazirliyinin tərkibinə daxil idi.
9 dekabr 1991-ci ildə Azərbaycan Respublikasının Milli Şurası “Azərbaycan Respublikasının Dövlət Sərhədi haqqında” qanun qəbul etdi. 16 dekabr 1991-ci ildə Azərbaycan Respublikasının Dövlət Sərhədini Mühafizə Komitəsi yaradıldı. 1992-ci ildə Dövlət Sərhədini Mühafizə Komitəsi Azərbaycan Respublikası Milli Təhlükəsizlik Nazirliyinin tərkibinə keçərək MTN-in Sərhəd Qoşunları İdarəsi adlandırıldı.
31 iyul 2002-ci ildə ümummilli lider Heydər Əliyevin imzaladığı Sərəncamla sərhəd qoşunları müstəqil qurum - Dövlət Sərhəd Xidməti kimi fəaliyyətə başlayıb. Həmin vaxt Dövlət Sərhəd Xidmətinin bir çox zastavası açılıb, dəniz hüdudlarının qorunması üçün isə lazımi texnika alınıb.
İstinad edilən mənbələr:
