Bu gün Vətən müharibəsi şəhidi, Xaçmaz rayonunun Müşviq kənd sakini Cabar Əkpərovun doğum günüdür.
Cabar Əkpərov 17 iyul 2002-ci ildə Xaçmaz rayonunun Müşviq kəndində anadan olub. 2007–2018-ci illərdə T. Bayramov adına Müşviq kənd tam orta məktəbində təhsil alıb. Subay idi.
2020-ci ildən Azərbaycan Silahlı Qüvvələrinin sıralarında müddətli həqiqi hərbi xidmətdə olan Cabar Əkpərov Vətən müharibəsinin ilk günlərindən döyüşlərə qatılıb. O, Ağdərə istiqamətində gedən ağır döyüşlərdə igidliklə vuruşub və 7 oktyabr 2020-ci ildə şəhidlik zirvəsinə ucalıb. Şəhid doğulduğu Müşviq kəndində dəfn olunub.
Göstərdiyi qəhrəmanlığa görə Cabar Əkpərov ölümündən sonra Azərbaycan Prezidenti İlham Əliyevin sərəncamları ilə "Vətən uğrunda", "Suqovuşanın azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilib.
Shimal.News kollektivi şəhidimiz Cabar Əkpərovu doğum günündə dərin ehtiramla yad edir, Allahdan ona rəhmət diləyir. Xatirəsi xalqımızın qəlbində daim yaşayacaq.
