Azərbaycan Dəmir Yolları (ADY) Zəfər Günü və Dövlət Bayrağı Günü ilə əlaqədar 7-10 noyabr tarixlərində gücləndirilmiş iş rejimində fəaliyyət göstərəcək.
Shimal.News xəbər verir ki, bayram günlərində sərnişin tələbatının qarşılanması məqsədilə bir sıra istiqamətlər üzrə əlavə qatar reysləri təyin edilib.
Belə ki, noyabrın 7-si, 8-i, 9-u və 10-da Bakı-Qəbələ-Bakı marşrutu üzrə qatarlar hərəkət edəcək. Bakıdan Qəbələyə qatar saat 07:30-da, Qəbələdən Bakıya isə saat 19:00-da yola düşəcək.
Hərəkət qrafiki və biletlərlə bağlı ətraflı məlumatı ADY-nin rəsmi saytından (www.ady.аz), "ADY Mobile" tətbiqindən, dəmiryol kassalarından və ya 24/7 fəaliyyət göstərən 1822 Əlaqə Mərkəzindən əldə etmək mümkündür.
