Xaçmaz Rayon İcra Hakimiyyəti (RİH) başçısının müavinlərindən biri - Bəxtiyar Osmanovun vəzifəsindən azad olunması ilə bağlı xəbər yayılıb.
Bizim.Media-nın məlumatına görə, sabiq məmur vəzifəsindən öz istəyi ilə ayrıldığını deyib:
"Xaçmaz rayon İcra Hakimiyyətinin başçısı Elnur Rzayevlə 6 il birlikdə çalışmışam. Keçən il dekabrın 15-də öz istəyimlə vəzifədən ayrıldım".
Sabiq müavin qeyd edib ki, rayon rəhbəri onun istəyinə hörmətlə yanaşaraq vəzifəsindən azad edib. Bəxtiyar Osmanov yeni iş təkifləri olarsa, dəyərləndirəcəyini bildirib.
