Quba Rayon İcra Hakimiyyətinin başçısı İlqar Mahmudov Quba–Amsar–Tüləkəran avtomobil yolunun problem yaranmış hissələrinə baxış keçirib.
Shimal.News xəbər verir ki, rayon rəhbəri yolun 6-cı və 12-ci kilometrlik hissələrində yaranmış vəziyyətin aradan qaldırılması, eləcə də alternativ yolun çəkilişi istiqamətində görülən işlərlə yerində tanış olub.
Bildirilib ki, son günlər müşahidə olunan intensiv yağıntılar nəticəsində sözügedən ərazilərdə yol infrastrukturu zərər görüb və hərəkətdə çətinlik yaranıb. Hazırda aidiyyəti qurumlar tərəfindən ərazidə texnikalar cəlb olunmaqla bərpa işləri davam etdirilir.
İcra başçısı görülən işlərin operativ şəkildə həyata keçirilməsi ilə bağlı müvafiq tapşırıqlar verib.
