Qusarda şəhər sakini dəm qazından zəhərlənib.
Bizim.Media-nın məlumatına görə, hadisə ötən gün axşam saatlarında, Ləzgintsev küçəsi 18 ünvanında qeydə alınıb. Evdə tək olan 31 yaşlı qadın qonaq otağında huşsuz vəziyyətdə tapılıb.
Hadisə yerinə təcili tibbi yardım cəlb olunub. Operativ müdaxilə sayəsində qadının həyatı xilas edilib. O, ağır vəziyyətdə Qusar Rayon Mərkəzi Xəstəxanasına çatdırılıb.
Həkimlərin səyləri nəticəsində vəziyyəti stabilləşən qadın bir müddət sonra evə buraxılıb. Onun həyatının xilas olunması yaxınları tərəfindən "möcüzə" kimi qiymətləndirilib.
